ماهي ال سي ام ايه؟؟

ناس كتير لسا لغاية دلوقتي للأسف متعرفش يعني ايه سي ام ايه ولا بتتكلم عن ايه!!
طيب اقرا الموضوع ده وانا ان شاء الله هحاول ابسطهالك..
ال CMA هي عباره عن اختصار للكلمات Certified Management Accountant.
برده يعني ايه. اقلك يعني محاسب إداري معتمد
حد يقلي طب وهوا فيه محاسب اداري وفيه محاسب مش اداري اقله لأ انما دي تخصص محاسبة ادارية (يعني محاسبين بيشتغلوا في شركات) يعني دي تعتبر الشهاده الأولي في العالم اللي (المفروض) تشغلك في شركه. دي نقطه
حاجه تانية هنقول مين هوا اللي بيديها ومين اللي بيمتحنا فيها
الدراسة بتكون في اي مكان تحبه سعاتك يعني لو انت عارف الموضوعات المطلوبة منك من غير مذاكره حتى ممكن تخش تمتحن في اي وقت
طيب حد يقلي الامتحان فين
هقله ان الامتحان في مصر في الامديست 23 شارع مصدق-الدقي-القاهره.
ودي ميز كبيره جدا لأن باقي الامتحانات العالمية تقريبا لازم تسافر تمتحن برا في امريكا مثلا.
الشهاده دي اللي بيوثقها معهد امريكي اسمه IMA اختصار الي
Institute of Management Accountants .
الموقع الإلكتروني بتاعه علشان لو حد يحب يزوره http://www.imanet.org .
طيب لو ربنا وفق اي حد واخد الشهاده دي واحد يقلي هل هتنفعني؟؟
اقله ان شاء االله هتنفعك جداً جداً ومرتبك هيتضاعف اضعاف كتير مش في مصر بس لأ في كل دول العالم اللي هتشتغل فيها لاني زي ماقلت دي شهاده عالمية.
ودي كانت مجرد بداية في ماهية الشهاده لأي استفسار اتفضلوا اسألوا وانا تحت امركم.

غير طريقك مع سي ام ايه

بسم الله الرحمن الرحيم
اهلاً وسهلاً بكم في مدونتي الخاصه بموضوع دراسة شهادة الزماله الأمريكية للمحاسبين الإداريين CMA
اخترت التدوين باللغة العربية حرصا على ان يصل ما اعني الي كل الاخوه العرب بدلا من الانجليزية على الرغم من ان دراسة الشهادة وامتحاناتها كما هو معلوم لكم يتم بالإنجليزية
شكراً جزيلاً
أمير مجاهد